ការបង្ហាញខ្លួនលើឆាកប្រគំតន្ត្រីរបស់ក្រុមហ៊ុនឯកជនមួយនោះ នាងមានបទចម្រៀងសង់ទីម៉ង់៣បទ ញាក់៣ បទ ដែល មាស សុខសោភា បានបម្រើអារម្មណ៍បងប្អូនទូរទស្សនិកជន ក្នុងនោះមានដូចជាបទ”សុំមិនស្គាល់បងល្អជាង”បទ”BaBy””ជីវិត ត្រូវសប្បាយ””ស្នេហ៍យឺតពេល””សុំឲដូចដើម” និងបទ” ១០០ពិន្ទុ”។
មាស សុខសោភា បន្តថា ការប្រគំតន្ត្រីនេះ បានចាប់ផ្តើមពីម៉ោង៧យប់ ដល់ម៉ោង១០យប់ ហើយដោយសារតែមមាញឹករកពេលសម្រាកសឹងគ្មាននោះ កញ្ញា ប្រាប់ថា ក្រោយសម្តែងរយៈពេល១ថ្ងៃ នាងត្រូវត្រឡប់មកធ្វើកិច្ចការខ្លះនៅរាជធានីភ្នំពេញវិញសិន មុនពេលត្រឡប់ទៅខេត្តប៉ៃលិនម្តងទៀតនាថ្ងៃទី៧ស្អែកនេះ។
លោក គង់ វិសាល អ្នកគ្រប់គ្រងកម្មវិធីរបស់ស្ថានីយ៍ទូរទស្សន៍បាយ័ន ព្រមជាដឹកនាំកម្មវិធីតន្រ្តីនៅក្រុងកំពង់ឆ្នាំងនេះ បានប្រាប់ឲ្យដឹងថា ក្រៅពី មាស សុខសោភា មានសិល្បករ៥រូបផ្សេងទៀត ដែលសម្ដែងនៅខេត្តកំពង់ឆ្នាំងនោះ។ តារាទាំង៥ដួងផ្សេងទៀតរួមមានដូចជា លោក ឆន សុវណ្ណរាជ លោក ឆាយ វិរៈយុទ្ធ កញ្ញា សុខ ស្រីលក្ខណ៍ កញ្ញា ប្រេម៉ា និងលោក ប៊យ របស់ផលិតកម្មរ៉ក់។ លោក គង់ វិសាល បន្តថា កម្មវិធីនេះ គឺជាកម្មវិធីតន្ត្រីទេសចរណ៍ដែលឧបត្ថម្ភដោយស្រាបៀរមួយ ដែលត្រូវធ្វើឡើងទូទាំង១៤ខេត្ត។ដោយឡែកកម្មវិធីដែលប្រារព្ធធ្វើ នៅក្រុងកំពង់ឆ្នាំងនេះ គឺជាកម្មវិធីលើកទី៥ ខណៈ៤លើកមុនបានធ្វើឡើងរួចហើយនៅខេត្តព្រះសីហនុ កំពត តាកែវ និងកំពង់ស្ពឺ។ លោក គង់ វិសាល បញ្ជាក់ជាចុងក្រោយថា តាមពិតទៅកម្មវិធីតន្ត្រីទេសចរណ៍ដ៏កក្រើក២០១២នេះ បានចាប់ផ្តើមតាំងពីថ្ងៃទី៣នេះម្ល៉េះ គ្រាន់តែថ្ងៃនេះជាកម្មវិធីប្រឡងចម្រៀងប្រចាំខេត្ត ដណ្តើមជយលាភីពីម្ចាស់ឧបត្ថម្ភ ដែលរៀបចំដោយថ្នាក់ដឹកនាំខេត្តកំពង់ឆ្នាំងផ្ទាល់ដើម្បីបង្កភាព សប្បាយរីករាយដល់ប្រជាពលរដ្ឋក្នុងខេត្ត។ ដោយឡែកថ្ងៃទី២ គឺជាថ្ងៃជួបជាមួយសិល្បករទាំង៦រូប៕
0 comments:
Post a Comment